Chwefror 2007 Derbyniwyd e-bost gan Mr Elwyn Vaughan o Gwmni Cymad Cyf mew ymateb i lythyr gan y Clerc yn datgan “fod gwybodaeth bellach wedi ei danfon i’r Cynulliad er mwyn ceisio cael caniatâd ar gyfer y gwaith ar y tri safle olaf”. Cymad hefyd wedi cysylltu gyda Chyngor Gwynedd “er mwyn medru bwrw ymlaen efo’r gwaith ffensio ac mae hefyd wedi cysylltu hefo  Peirianneg Sifil Gelli i osod grid ger Tomen Sibi rhoi giatiau yn ôl lle mae rhai wedi eu dwyn” Disgwylir hefyd gadarnhad o gyfarfod o’r porwyr “er mwyn gweld pa gonsensws, os o gwbl, sydd yna o ran y wedd nesaf posib yn y Fron

Adroddwyd gan y Cynghorydd Bryn Williams , Y Fron fod Cymdeithas y Porwyr wedi cyfarfod yn ddiweddar a dymuniad y porwyr oedd peidio â rhannu’r ddau dir comin oddi fewn y Cynllun ond yn hytrach ei gadw fel un.

Mynegwyd pryder gan y Cyng. Alun Wyn Jones nad yw’r gwaith wedi cychwyn a bod yr amserlen, 31 Rhagfyr 2007, i gwblhau’r gwaith yn un tyn.

Ionawr 2007 Cyflwyniad gan Mr Elwyn Vaughan , Cwmni Cymad.

Pwrpas y cyflwyniad oedd i’r Aelodau dderbyn gwybodaeth o’r sefyllfa ddiweddaraf ynglŷn â Chynllun Tir Comin Uwch Gwyrfai. Cafwyd ychydig o gefndir ynglŷn â’r hynny sydd wedi digwydd.

• Cynllun wedi bod yn broblemus o’r cychwyn yn bennaf oherwydd  anghydfod rhwng unigolion o’r Fron a Chyngor Gwynedd
• Rhaglen wedi llithro yn sylweddol gan fod unigolyn o’r Fron wedi darganfod fod Y Cyngor Sir heb weithredu oddi fewn Deddf Eiddo Preifat 1925
• Darganfuwyd nad oedd Cyngor Gwynedd wedi dilyn y broses gywir
• ‘Roedd angen bodloni nifer o asiantaethau er mwyn symud ymlaen ac ‘roedd hyn wedi bod  yn broses araf , asiantaethau megis Tir Y Goron, Llywodraeth Leol, Cynulliad, porwyr a trigolion lleol.

Adroddwyd fod 10 lleoliad wedi ei adnabod i osod ffensys ar y tir comin a bod Llywodraeth y Cynulliad bellach wedi  cymeradwyo i ffensio saith safle gan nad ydi’r safleoedd yma yn dod 'dan y Ddeddf 1925. Bydd angen cadarnhad uchder y ffens , lleoliadau’r  camfeydd ac adwyon gyda’r tri safle nad ydi’r Cynulliad wedi rhoi caniatâd eto. Bwriedir dechrau ar y gwaith ar y saith safle yn fuan a rhagwelir y bydd y gwaith wedi cychwyn ymhen ychydig wythnosau. Mae’ polion a’r ffens wedi eu storio ers peth amser yn barod i gychwyn ar y gwaith.

Gofynnwyd gan Aelod pwy oedd a chyfrifoldeb am gynnal a chadw’r ffens.

Adroddwyd fod y gridiau  yn rhan o’r Priffyrdd ac mai’r Cyngor Sir fyddai’n gyfrifol am eu cynnal, ac mai’r porwyr fyddai’n gyfrifol am gynnal a chadw’r  ffensys trwy godi lefi .

Adroddwyd fod y Cynllun yn dod i ben Rhagfyr 2007 ac nad oes modd  estynnu'r dyddiad. Bydd angen i Cymad bwyso ar y Cynulliad i wneud penderfyniad ynglŷn â’r tri safle felly.

Mynegwyd pryder am sefyllfa’r Fron gan Aelod oherwydd bod y Fron y tu allan i’r Cynllun bellach ac oherwydd yr amseriad tyn efallai na fyddai’r Fron yn medru dod i mewn i’r Cynllun o gwbl.

Adroddwyd gan y Cyng. Bryn Williams (Fron) y cynhelir cyfarfod o’r porwyr yn fuan i drafod Y Fron a gobeithir y bydd y porwyr yn cytuno ar gynllun ac yn cyrhaeddir at gyfaddawd,  ac y byddai hwn yn dderbyniol i’r Asiantaethau priodol. Un argymhelliad oedd y byddai grid yn cael ei osod ger Penmaentwrog a chorlan yn cael ei adeiladu wrth yr Hen Gwt Shêf yn Y Fron.

Rhagfyr 2006 Cyflwyniad gan Mr Alun Williams , Ysgrifennydd Cymdeithas Y Porwyr Uwchgwyrfai. Pwrpas y cyflwyniad oedd i’r Aelodau dderbyn gwybodaeth o’r sefyllfa ddiweddaraf ynglŷn â Chynllun Tir Comin Uwchgwyrfai.

Cafwyd ychydig o gefndir ynglŷn â’r hynny sydd wedi digwydd.

• Cwmni Cymad  sydd yn  rheoli’r prosiect ac sydd yn ymdrin â’r cyllid o’r grant amgylchedd ac sydd yn rheoli’r arian  ar ran y Gymdeithas .
• Cyngor Gwynedd sydd â chyfrifoldeb ymgymryd â’r gwaith (Adran Ymgynghoriaeth) a Chwmni Gelli oedd yr isgontractwyr a waned y gwaith o osod y gridiau.
• Cwynion wedi derbyn fod y gridiau yn ansafonol a giatiau wedi eu dwyn
• Cyngor Gwynedd i’w cynnal ond nid yw’r trosglwyddiad wedi digwydd oherwydd nad yw’r gwaith wedi ei gwblhau
• Rhai materion wedi codi wrth ymgymryd ar gwaith ac  wedi achosi oedi yn ei gwblhau. Ymysg y rhesymau oedd bod aelod o’r cyhoedd yn Y Fron wedi gwneud cwyn fod y gwaith yn anghyfreithlon o dan Adran 194 o'r Ddeddf 'The Law Property  Act 1925' , gan nad oedd hawl cyfreithiol i osod y ffens heb ganiatâd y Cynulliad.
• Cymad wedi darparu cais hawl ffensio i’r Cynulliad ond ymateb y Cynulliad  yn  Hydref 2006 yn datgan nad yw’r mapiau o dir comin Uwchgwyrfai a dderbyniwyd gan Gyngor Gwynedd yn cytuno hefo ffiniau yn gynllun Cymad.
• Y gwaith bellach wedi ei rewi wrth ddisgwyl penderfyniad y Cynulliad.
• Cais wedi ei wneud gan y Gymdeithas i Alun Ffred Jones i bwyso ar y Cynulliad i wneud ei ddyfarniad .
• Rhagwelir y bydd y gwaith wedi ei gwblhau yn fuan wedi i’r Cynulliad ymateb  gan mai un grid sydd i’w osod ger Tomen Sibi (Penbwlch) ac nid yw’r gwaith ffensio tir comin yn waith sylweddol.

Diolchwyd i Mr Alun Williams am ei gyflwyniad.

PageText